Paul en Leo

Refring:

Joa, vasteloavend helle

ee lekker beer besjtelle

d’r nuie prins oetrope

en och d’r óptoch lope

mit de ouwwiever sjpringe

d’r letste sjlager zinge

mit de kapelle trekke

en lekker blieve plekke

Koeplet 1:

Gee groeëter leed es wat d’r miensj zich zelf aadeet

Dat hant vier ós al deks gezach

Mè wat me zoeë mit Carneval verdraage mót

Dat hat d’r duvel zelf bedach

Boete is ‘t kaod en binne vöals te werm

D’r sjmienk lup va die bakkes aaf

Ze sjtónt dich óp de tieëne en ze sjtoeëte dich um

Toch hilste poal en reups alaaf

Koeplet 2:

Zjwaam hingt wie inne nieëvel teëge d’r plafóng

‘t Water lup van de tapieët

‘t Hüske is verenderd in ee waterballet

Wie sjun toch dat ‘t zoeë get gieët

De moeziek geet voloet en e kapelke kump i

Doe kins dieng eege wöad neet versjtoa

Al broek ich noa dees daag wie ummer twieë daag verlof

Toch blief ich jieker joar wer goa

Sjloes:

En wenste nieks verdrage kins da blieste ma heem!