De Mafia va Vasteloavend
Koeplet 1:
Vier regele ’ne rieke Prins en óch ’ne Adjudant
D’r Elveroad va d’r verein is ózze betste klant
Vier zalle noeëts get zage, want diskretie is ós vak
De moere hant hei oere, dus ing fout is zoeë gemak
Ós heng zint wit gewesje en vier hant ing poker-face
En dat vuur gans besjeie 11% procent óp de entrees
Refring:
Vier zint de mafia va vasteloavend
Vier ritsele en triekse óp bevel
Vier zint de mafia va vasteloavend
Want sjoemele is ós verdeenmodel
En sjiet ós inne aa, da kumpt dat neet i de gazet
Deë kriet va ós ’ne zelfgemakde peëdskóp igge bed
Vier zint de mafia va vasteloavend
En vier zint maf, maf, maf va carneval
Koeplet 2:
D’r zjwatte maat is ós domein, mit alles vuur ’t fes
Kanonne mit confetti, ouwe sjmienk en klonejes
Aagelengde limmenaad en sjnuuts, ing ganse kis
En da meh zage dat ’t va d’r waan gevalle is
Vöäl rente óp ós cente, want vier geëve vöäl krediet
Óp wat d’r bij d’r André aa d’r sjtrieksjtek hange bliet
Refring:
Bruk:
Vier kope jieëker jury um, mit wins gegarandeerd
Ós penninge die sjteëke, dus weëd nieëmes gefouilleerd
Vier regele ós zeëksjkes óngerhanks en óngeree
En klauwe da geliek de Bertha Paulissen trofee
Refring:
© Copyright. Alle rechten voorbehouden.
✼ zinge in 't Heëlesj plat ✼ winnaars LVK 2004 ✼ hant hunne ege vasteloavesrevue: “Hinge gen Hergod’s vót”
We hebben je toestemming nodig om de vertalingen te laden
Om de inhoud van de website te vertalen gebruiken we een externe dienstverlener, die mogelijk gegevens over je activiteiten verzamelt. Lees het privacybeleid van de dienst en accepteer dit, om de vertalingen te bekijken.