Good is good
Refring
Good is good, um lekker va te leëve
Good is good, zoeë zieëker wie de bank
Good is good, um te kriege en te geëve
Good is good, bliet good die leëve lank
Koeplet 1
Al joare sjpieël ich mit i zoeëget jieëker loaterij
En tóch ’t gouwe kufferke geet aa mieng naas vuurbij
Lotto, Toto, Jackpot of de loaterij vuur Vrung
De cente vlege oet de buuesj en dat is ieëwig zung
Ich krats mich bauw ee ongeluk en nog bin ich neet riek
Houw ich meh i good belag, d’r Opa houw geliek
Koeplet 2
’t good is vuur d’r winnaar en dat sjmak noa ummer mieë
Al is van de Armada noeëts ee goodsjtuk truuk gezieë
’t gouwe jubileijum went me 50 joar besjteet
D’r feste gouwe hankdruk went d’r baas de duur touw deet
Vuur vasteloaveswages, bóks en hemme, jas en hood
Es kluur vuur in d’r óptoch deed good ’t ummer good!
Bruk
I turbulente tieje is ‘t good ing vaste weëd
Beëter nog wie rente is d’r riekdom oet gen eëd
Meh ondanks gouwe berge is ’t good dat me bedinkt
’t Is neet alles good wat blinkt
