Paul en Leo

Refring:

Inne nuie in de büt, d’r vilt wer get te lache

Inne nuie in de büt, lache hilt d’r miensj gezónk

Inne nuie in de büt, wat zeët-e noe, wat zag-e

Inne nuie in de büt, loester zelf en haot d’r mónk

D’r pap zit sjtóm te kieke, want heë hat de kloe gemis

Mè de mam, ocherm, hat zich bauw in de bóks gepis

Mit böake van ’t lache kries-te noeëts d’r krankesjien

Inne nuie in de büt, dat is de betste millesien

Koeplet 1:

Al zou me ’t neet zage

Ich bin ummer ram nerveus

En de vrouw die zeët al dökker

Neum ’t neet zoeë serieus

Mè al geet ’t bei ‘t prove

Vuur d’r sjpegel ummer top

Toch geet mich vuur ich óp mót

Nog van alles durch d’r kóp:

Zou d’r toesj dis kier óp tied zieë

Is die wiets mesjiens geklauwd

Of han ich mich durch te sjtróddele

Sjtrak de gantse büt verzouwd?

Koeplet 2:

Ich sjneur durch de provinsie

Bin op jats bis ’s oavends laat

En ich zeuk mich döks onnuëzel

Noa café of patternaat

In de kuëke of d’r kelder

Sjier ich mich mie peksjke aa

Doa waad ich óp d’r büttemarsj

En dink ich nog ins d’raa:

Zou d’r toesj dis kier óp tied zieë

Is die wiets mesjiens geklauwd

Of han ich mich durch te sjtróddele

Sjtrak de gantse büt verzouwd?