Paul en Leo

Koeplet 1:

Vier geëve ‘t touw, mè ’t is al bekank

Dat Kirkroa ós noa lik aan ’t hat

Dat is get va vreuger, wie i Heële nieks woa

En Kirkroa dé Karnevalssjtad

De Kirchröatsjer Sjpezialitete elpee

Dem kanke vier ram oet d’r kop

D’r Nicola Ploem woa vuur ós inne held

En Ummer d’r Neaver woa top!

Refring:

Noe zaan mich, wat is toch mit Kirkroa gebuëd

Wat d’r Hergod zoeë sjun hat gemak?

Weëd doa nog gedans en gezonge óp sjtroat

Of is hön dat óch aafgepak?

Vuur dat me ’t wit lup de Klanksjtad ram leëg

Is Roda noa Broenssum verhoes

Gesjeurd is d’r Campus, en vuur-ste ‘t wits

Is Kirkroa zoe gries wie ing moes

Koeplet 2:

Es sjnake oet Heële gonge vier noa Kaalhei

Want doa, doa woeëd Feijenoord vermoord

Ich zieë nog wie d’r Treitel loog te grabbele aggen eëd

Wie d’r Dick werm mit d’r bulles houw gescoord

Mit sjuuf en mit tröat en ing trom óp d’r boek

Pakde vier ós in d’r zoeëmer bei-ee

En trokke vier mit mit de Ouw Harmenie

Want i Kirkroa woa groeët WMC

Koeplet 3:

Wie good dat i Kirkroa de Rodahal sjteet

Doa zooge vier mennige band

Va hardrock bis blues, zelfs de Bläck Foös gezieë

Jong, wat woeët me i Kirkroa verwend

De Zietsunge ummer kompleet oetverkoch

De Kirchröatsjer meëdjes synchroon

D’r  dieënsdig, vol leëve in wieëtsjaf en sjtroat

Want da truk i Kirkroa d’r kloon