Manslüj mit kepkes
Refring (2x):
Manslüj mit kepkes zunt insig in hun soat
Noe maak dich voet, gank a gen zie, doa kump d’r Elveroad
Manslüj mit kepkes, gewiechtig en in frak
De kuëninge va karneval, d’r vasteloavendskak
Koeplet 1:
Sjtels-te heem neet zoeëvöal vuur
Of hant ze dich neet geer
Sjtees-te ummer hingenaa
En kries-te noeëts ee beer
Weësj-te noeëts gepromoveerd
Of has-te noeëts ins zjwein
Num da deë gouwe road van ós
En kom bei d’r verein
Da geet vuur dich d’r leuper oet
En lepsje ze dich aaf
Doe bis d’r sjtols va d’r verein
En doe, doe sjreis: alaaf!
Koeplet 2:
Has-te noeëts ’t letste woad
Ging veere in dieng vót
Klasjs-te of-se pletskes baks
Lup-se neet zoeë flot
Has-te garoets gee figoer
Of ginne sjlanke lijn
Da hang dich ing medalje um
En kom bei d’r verein
Da geet vuur dich d’r leuper oet
En lepsje ze dich aaf
’t Oethangbret va d’r verein
En doe, doe sjreis: alaaf!
Bruk:
Want karneval is parodie
Me nump zich óp d’r hak
Weë mit zichzelf neet lache kint
Deë weëd vazelf kak
© Copyright. Alle rechten voorbehouden.
✼ zinge in 't Heëlesj plat ✼ winnaars LVK 2004 ✼ hant hunne ege vasteloavesrevue: “Hinge gen Hergod’s vót”
We hebben je toestemming nodig om de vertalingen te laden
Om de inhoud van de website te vertalen gebruiken we een externe dienstverlener, die mogelijk gegevens over je activiteiten verzamelt. Lees het privacybeleid van de dienst en accepteer dit, om de vertalingen te bekijken.